Отворен нов „Меркатор“ во Бања Лука

ННа 30 мај се отвори 12-та продавница „Меркатор" во Бања Лука. Продавницата се простира на површина од 450 квадратни метри, со асортиман од околу 9.000 производи. 

При свеченото отворање на маркетот, директорот на „Меркатор" за Република Српска, Дамјан Давидовиќ изјави: Денес ја отворивме нашата 12-та продавница во чие опремување инвестиравме повеќе од 350.000 конвертибилни марки (околу 175.000 евра) и обезбедивме вработување за 14 луѓе, со што бројот на вработени во „Меркатор БЛ" се зголеми на 362. Придржувајќи се на високите стандарди на „Меркатор", овој маркет го опремивме со најсовремена опрема, а на нашите сограѓани ќе им понудиме широк асортиман, врвна услуга и бројни погодности при пазарувањето. Во согласност со нашата стратегија за развој, продолжуваме со инвестирање и ширење на малопродажната мрежа, отворање на нови работни места и општествено одговорни активности.

Новата продавница на купувачите ќе им понуди производи за секојдневна употреба, топли и ладни јадења, свежи печива, овошје и зеленчук, како и деликатесни производи.