Основано Здружение на хрватските откупувачи и преработувачи на млеко „КроМилк“

Во Загреб е претставено Здружението на хрватските откупувачи и преработувачи на млеко „КроМилк“. Тоа ги опфаќа големите, средните и малите преработувачи на млеко во Хрватска со цел обезбедување поддршка во прилагодување на работењето на хрватскиот млекарски сектор кон заедничката земјоделска политика на Европската унија.

Во Загреб е претставено Здружението на хрватските откупувачи и преработувачи на млеко „КроМилк". Тоа ги опфаќа големите, средните и малите преработувачи на млеко во Хрватска со цел обезбедување поддршка во прилагодување на работењето на хрватскиот млекарски сектор кон заедничката земјоделска политика на Европската унија.

„КроМилк" е членка на Европското здружение на млечната индустрија (European Dairy Association – EDA), со што се создадени предуслови за соработка со хрватскиот млекарски сектор при прилагодување и креирање на одредени политики на Европската унија. Исто така, млекарскиот сектор ќе учествува во стручните расправи во процесот на донесување на европските аграрни политики и правила и собирање на најдобрите европски пракси, имплементирајќи ги на домашниот пазар. 

Претседателката на „КроМилк", Рашељка Марас нагласи дека клучните цели на Здружението се јакнење на конкурентноста на домашниот млекарски сектор, подготовка и имплементација на едукативните проекти наменети за примарниот сектор, индустрија, но и на хрватските потрошувачи, финансирани од фондот на Европската унија.

На претставувањето на „КроМилк" беше нагласено дека влегувањето на Хрватска во Европаската унија за домашниот млекарски сектор, особено индустријата и фармерите, краткорочно претставува голем предизвик, но долгорочно ќе има позитивно влијание, во поглед на консолидација на секторот, унапредување на работењето и поголема иновативност.