„Орбико“ почна со извоз на словенечки и хрватски вина

Дистрибутерската компанија „Орбико" почна со проектот за извоз на квалитетни словенечки и хрватски вина во Полска, преку својата компанија „Дистрибев Орбико".

Минатата недела во Полска биле извезени вината на „Илочки подруми", а како што најавуваат од компанијата интензивно се преговара и со „Бадел 1862", „Феравино", како и со „Скарамуча" од Пељешац и „Истенич" од Словенија.

Директорот за развојни активности за „Орбико груп", Кораљка Томиќ, верува дека преговорите ќе бидат успешни и дека тие или некои други винарници, веќе од почетокот на наредната година ќе можат да се најдат на пазарот во Полска. Според нејзините зборови, во оваа земја виното сѐ повеќе претставува статусен симбол, така што „Орбико" смета дека тоа е добра можност за пласман на хрватските и словенечките вина.