„Орбико“ ја презема дистрибуцијата на „Раденска“

Компанијата „Орбико" – Сараево, на почетокот на годинава, почна да соработува со водечкиот бренд на минерални води во Словенија, „Раденска".

Денес, „Раденска" е светски позната фирма, што брзо се приспособува на промените и на новите трендови. Со оглед на искуството на „Орбико" во поглед на дистрибуцијата, производите на „Раденска" сигурно ќе бидат дел од потрошувачката кошница на многубројни купувачи во БИХ, изјавија од „Орбико".

Директорот на „Раденска" Мариан Шефчович, за магазинот InStore изјави: Тие се голем играч и ни одговара нивната структура. Во прашање е семејно претпријатие, а за работата може да разговараме непосредно со сопственикот. Станува збор за долготрајно партнерство, бидејќи соработуваме веќе со „Орбико" – Хрватска. Таа соработка сега ја надоградивме, бидејќи со тие луѓе добро се разбираме. На крајот на краиштата „Раденска" има три срца, не само едно.