„Орбико“ ја презеде дистрибуцијата на американскиот „Келогс“

Групацијата „Орбико" ја презеде дистрибуцијата на производите на најголемиот производител на житарици „Келогс".

Оваа групација, во сопственост на Бранко Роглиќ, дистрибуцијата ќе ја извршува во 11 земји во кои живеат 150 милиони жители, односно во Полска, Чешка, Словачка, Унгарија, Бугарија, Молдавија, како и во сите држави во поранешна Југославија.

Роглиќ ја потврди информацијата, додавајќи дека преговорите траеја две години. Годината што поминува, за „Орбико" е една од најуспешните. Ги остваривме планираните приходи од 1,07 милијарди евра и ги надминавме приходите од минатата година за околу 150 милиони. Ја презедовме полската „Наво Група" и станавме водечки дистрибутер на стока за широка потрошувачка. Според големината на приходите, минатата година „Орбико" беше седма компанија во Хрватска, а оваа година го достигна петото место, изјави Роголиќ.