Официјализирана постапката за преземање на „Данубе фудс“

Компаниите „Бамби“, „Имлек“, и „Књаз Милош“ објавија дека, по успешно завршената јавна понуда и комплетирањето на процесот на преземање, добија нови сопственици – инвестицискиот фонд „Мид Европа партнерс“ од Лондон, заедно со коинвеститорите.

Компаниите „Бамби", „Имлек", и „Књаз Милош" објавија дека, по успешно завршената јавна понуда и комплетирањето на процесот на преземање, добија нови сопственици – инвестицискиот фонд „Мид Европа партнерс" од Лондон, заедно со коинвеститорите.

„Мид Европа партнерс" е најголемиот инвестициски фонд во Централна и Источна Европа, со големо искуство во развој на работењето на компаниите во кои инвестира и ќе претставува значителна поддршка за нивниот понатамошен развој. Во својот инвестициски тим, „Мид Европа партнерс" ги има ЕБОР, како и Андреј Јовановиќ, кој во тимот се приклучи како инвеститор и локален партнер, се наведува во соопштението.

Раководењето со групацијата му е доверено на Андреј Јовановиќ (на сликата), кој поседува повеќегодишно искуство во остварување на врвни деловни резултати. Новиот тим предводен од Јовановиќ ги вклучува и водечките менаџери во Србија: Илија Штека („Имлек"), Бојан Радун („Бамби"), и Милош Стојисављевиќ („Књаз Милош").

Многу сум задоволен со фактот што промената на сопствеништвото значи соединување на водечките инвеститори и финансиски институции, брендови и менаџмент – сите ресурси под еден покрив, што претставува предност. Менаџерскиот тим има одлична можност, но и голема одговорност, со укажаната поддршка и доверба од сопствениците, да продолжи да ги развива нашите најголеми брендови. Нашата намера е преку овој уникатен тим, почнувајќи од врвот и сопственикот, преку менаџментот па сè до производствените линии и полиците каде што се наоѓаат нашите производи, да понудиме подобар квалитет и да продолжиме со работењето во Србија и во регионот, истакна извршниот директор на групацијата, Андреј Јовановиќ.