Одобрено преземањето на групацијата „Данубе фудс“

Комисијата за заштита на конкуренцијата ја одобри концентрацијата настаната од стекнувањето контрола на холандското друштво „Адријатик бидко“ над групацијата „Данубе фудс“ и „Клејтс холдинг“, со што се стекнува контрола над нивните зависни друштва, меѓу кои се и „Бамби“, „Имлек“, „Млекара Суботица“ и „Књаз Милош“, објавено е на сајтот на Комисијата.

Комисијата за заштита на конкуренцијата ја одобри концентрацијата настаната од стекнувањето контрола на холандското друштво „Адријатик бидко" над групацијата „Данубе фудс" и „Клејтс холдинг", со што се стекнува контрола над нивните зависни друштва, меѓу кои се и „Бамби", „Имлек", „Млекара Суботица" и „Књаз Милош", објавено е на сајтот на Комисијата.

Купувачот е под контрола на инвестицискиот фонд „Мид Европа 4 менаџмент лимитид", како краен, генерален партнер на фондовите „Мид Европа 4 ЛП" и „Мид Европа 4 А ЛП".

Како што се соопштува, по налог на Комисијата купувачот се изјасни дека друштвото ниту останатите поврзани учесници на пазарот, а тоа се гореспоменатите фондови, немаат зависни друштва и не се присутни во прометот на стоки и услуги на кој било начин, ниту во Србија ниту во државите потписнички на ЦЕФТА и на територијата на членките на Европската Унија.

Од утврденото произлегува дека имателот на контрола, досега не бил присутен во ниту еден сегмент во Србија и во регионот, така што со спроведувањето на оваа концентрација нема да дојде до промени или до зголемување на пазарниот удел, а со тоа и до значителни промени во структурата на утврдените релевантни пазари, ниту пак учесниците во концентрацијата ќе стекнат предност на кој било пазар, соопшти Комисијата.

Со ова е заклучено дека со спроведувањето на оваа концентрација не доаѓа до значително ограничување, нарушување или спречување на конкуренцијата, пред сè во создавање или јакнење на доминантната положба.