Одличен почетокот на годината за „Зденка“

Компанијата „Зденка-млечни производи" членка на „Гранолио груп", со години наназад нема постигнато позитивни резултати какви што забележа во првите четири месеци од оваа година.

Порастот на продажбата што компанијата го оствари во сите сегменти на производство резултираше со пораст на приходите за 22 отсто во однос на првиот квартал од минатата година. Истовремено е остварен профит од околу 82 илјади евра, во споредба со минатата година кога компанијата работеше со загуба. 

Од финансискиот извештај на „Гранолио груп" се забележува дека профитот на „Зденка" е остварен благодарение на пониските набавни цени на млекото на пазарите. Воедно, се наведува дека вкупните трошоци се зголемени за само 11 отсто, иако е  зголемено вкупното количество на произведена стока, а влезот на млекото е зголемен за 53 отсто. 

Од друга страна, пониската откупна цена на млекото ја доведе во загуба Зденачката фарма, компанија што исто така е во состав на „Гранолио груп". Оваа фарма, чиј главен купувач е „Зденка-млечни производи", профитот од првиот квартал минатата година од околу 66 илјади евра во овој квартал го претвори загуба од речиси 132 илјади евра.