Обновениот „Меркатор“ во Љубљана отсега во „соседски формат“

Четвртиот во низата на објекти на „Меркатор" со новиот „соседски формат" се отвори во Љубљана. 

Бидејќи соседските продавници се најважни по бројот на единици и бројот на купувачи, поради својата добра локација и широкото регионално покривање, подготвивме редефинирање на концептот на продажниот формат. Тоа е така за да се прилагодиме на микро-опкружувањето и најглавно, на потрошувачите, нивните купувачки навики и потреби, изјави за  магазинот InStore Мојца Ребол, проектен менаџер за развој на продажни формати во „Меркатор".

Како што наведуваат од „Меркатор", нивната понуда се базира на пет основни точки. Тоа се свежите производи, понудата на готови јадења, поголемата понуда на пакувани свежи производи, интеграција на т.н. понуда „Grab&go", како и интеграција на самопослужните каси „Tik-tak", на кои потрошувачите можат сами да го спроведат купувањето.