Ново обележување на детергентите од 1 јуни 2015 г.

Производителите и увозниците на детергенти во Србија од 1 јуни 2015 г. ќе мораат потполно да ја променат класификацијата на хемикалии според системот ЦЛП , истакна претставничката на Министерството за земјоделство и заштита на животната средина, Бојана Ѓоргевиќ.

Производителите и увозниците на детергенти во Србија од 1 јуни 2015 г. ќе мораат потполно да ја променат класификацијата на хемикалии според системот ЦЛП , истакна претставничката на Министерството за земјоделство и заштита на животната средина, Бојана Ѓоргевиќ.

На семинарот на кој се зборуваше за класификацијата посред потенцијално опасните ефекти на кожата и очите, одржан во Стопанската комора на Србија, Ѓоргевиќ рече дека производите што се наоѓаат во синџирот на снабдувачи нема да се повлекуваат од пазарот до 1 јуни 2017 година.

Според нејзините зборови, Правилникот е усвоен уште во 2013 г. и главно е усогласен со прописите на ЕУ и глобалниот систем на ОН, но ќе треба да се внесат уште некои измени.

Претставничката на Меѓународното здружение за сапуни и детергенти АИСЕ, Венди Камерон порача дека ќе има многу промени во обележувањето и пакувањето, кога ЦЛП ќе стане задолжителен, бидејќи тој предвидува засилување на критериумите.

Таа кажа дека ако некој детергент содржи повеќе од 10% од иритациони состојки ќе биде обележан со Андреин крст, ако има до 10% ќе биде обелеѓан со крстот и со симболот око (опасно за очи), а ако содржината е под 5% нема да има обележувања.

Проблемот е во тоа што со симболот Андреин крст се обележуваат средствата за чистење на одводи, кои се многу надразливи за кожата и имаат амбалажа што тешко се отвора, а со примената на ЦЛП може да се случи и средства за миење садови да се обележат со овој знак, со што потрошувачите можат да се збунат.

Според нејзините зборови, потрошувачите тогаш нема да можат да направат разлика што е опасно, така што класификацијата е од суштинско значење. Камерон истакна и дека при класификацијата претријатијата можат да користат повеќе методи на испитување што се признати во светот, но не е дозволено испитување на луѓе и животни.