Нови раководители на компанијата „Хенкел“

Компанијата „Хенкел Србија" од 1 мај има ново раководство. Горадана Брашиќ е именувана за претседател на компанијата „Хенкел Србија", додека Роман Кир е поставен за генерален директор на секторот детергенти и средства за чистење.

Брашиќ и Кир го наследија Кристоф Тил, што презеде нова должност во Диселдорф на позицијата глобално тргување во секторот детергенти и средства за чистење.

Како претседател на компанијата, Гордана Брашиќ, освен досегашната функција на директор за човечки ресурси на „Хенкел Србија", ќе преземе и нова должност. Брашиќ ќе биде одговорна за работењето на компанијата, што е присутна на српскиот и на пазарите во регионот повеќе од десет години како една од најуспешните. Со големото искуство од областа на односи со луѓе, се верува дека новиот претседател успешно ќе го води големиот тим „Хенкел Србија", порачуваат од оваа компанија.

Како генерален директор на секторот детергенти и средства за чистење, Роберт Кир ќе биде одговорен за работењето на српскиот и на другите пазари. На новата позиција Кир дојде како поранешен директор на продажба на секторот детергенти и средства за чистење на „Хенкел" во Чешка и Словачка, од каде што донесе драгоцено искуство во продажбата и маркетингот и претставува силна поддршка на тимот на „Хенкел", се додава во соопштението.