Нова сезона на „Полица за домашните“ во „Лидл“

Словенечките производители на прехранбени и на друг вид производи ќе имаат можност своите ремек-дела да ги пласираат во трговските објекти на синџирот „Лидл" во земјата.

Компанијата „Лидл" - Словенија деновиве објави конкурс за избор на производите што од почетокот на 2018 година ќе бидат достапни за купувачите во маркетите „Лидл", во посебно катче со врвни словенечки продукти.

Проектот „Полица за домашните" (Lidlova Lojtr'ca domačih) беше лансиран минатата година, кога со помош на стручно жири беа одбрани повеќе од 500 производи, од кои во трговските објекти на „Лидл" беа изложени повеќе од 100.

Тоа е доказ дека во Словенија не ни недостасуваат производители што можат да понудат продукти со врвен квалитет. Сакајќи на нашите купувачи да им го понудиме најдоброто, оваа година си ветуваме дека на „Полицата за домашните" ќе понудиме исклучително квалитетни производи и дух на семејноство, вели Акош Силаѓи, извршен директор за набавки во „Лидл" - Словенија.

„Лидл" годинава одбележува 10 години присутност во Словенија. Од компанијата велат дека се силно посветени да развијат соработка со словенечките снабдувачи и дека веќе соработуваат со 70, во Словенија и на странските пазари каде што е присутен „Лидл", а многу словенечки производи се дел и од трговските марки на „Лидл".