Нова производствена линија во „Јумис“

Компанијата „Јумис“, кон крајот на ноември, почна со нова производствена линија за зачини и супи, вредна повеќе од половина милион евра. Инвестицијата е резултат од соработката меѓу тимот експерти од „Јумис“ и германската компанија „Лудиге“.

Компанијата „Јумис", кон крајот на ноември, почна со нова производствена линија за зачини и супи, вредна повеќе од половина милион евра. Инвестицијата е резултат од соработката меѓу тимот експерти од „Јумис" и германската компанија „Лудиге".

Овој проект ја потврдува деловната политика на компанијата „Јумис" и подготвеноста за следење и примена на светските стандарди во прехранбената индустрија. Новата производствена линија претставува новост во технологијата на производство супи и зачини, соопштуваат од „Јумис".

Освен најсовремениот производствено-технолошки процес и светскиот квалитет на производите, дневните производствени капацитети се зголемени на 32 тони зачини и 300.000 парчиња супа. Со ова „Јумис" ја зајакнува стратегиската позиција на земјите каде што е присутна и има поголеми можности за освојување на нови странски пазари.