Нова опрема за ПЕТ-амбалажа во „Пивара Тузла“

Пиварницата во Тузла пушти во употреба современа линија за пакување пијалаци во ПЕТ-амбалажа, инвестиција вредна околу 1.300.000 евра.

Новата опрема е дел од големиот инвестициски зафат на комапнијата за оваа година, со кој досега беа опфатени реконструкција и проширување на поризводствените капацитети, асфалтирање на кругот на компанијата и беше вграден модерен резервоар за CO2 со поголем капацитет.

Со гордост можам да кажам дека станицата за CO2 е најсовремената во БИХ и ги исполнува сите стандарди на Европската унија. Од друга страна, имаме најсовремена опрема со која ќе добиеме комплетна линија за ПЕТ-програма. Со неа се пакуваат најразлични производи, од пиво и минерална вода до сокови со разни вкусови. Секако, тука се изработуваат и производи што заминуваат надвор од границитена БИХ, вели директорот на „Пивара Тузла", Фахрудин Салиховиќ.

Во првиот квартал од оваа година пиварницата вложи повеќе од 250.000 евра, а до крајот на годината е предвиден преоект во вкупен износ од 2.600.000 евра.