Нова линија за полнење на „Пролом вода“

Компанијата „Планинка" од Куршумлија, Република Србија, пушти во употреба нова линија за полнење за брендот „Пролом вода", со капацитет од 13.200 шишиња на час.

Како што соопшти директорот на компанијата, Радован Раичевиќ, станува збор за инвестиција од 2,5 милиони евра, со најсовремена опрема за полнење шишиња од 1,5 и од 0,5 литри.

Околу 27 отсто од производството на „Пролом вода" се пласира на меѓународниот пазар, кој го опфаќа просторт од Австралија до Америка и Русија.

Поради поволните својства на оваа вода за човечкиот организам, во аптеките во Русија водата се продава како лековита, а нејзините својства ги истражува тим од еминентни руски експерти.

Покрај производството на вода, кое изнесува 50 милиони литри годишно, „Планинка" е сопственик и на „Луковска бања".