Нова инвестиција на „Неопланта“

„Неопланта" планира реализација на уште еден вреден проект – изградба на нова фарма за свињи во Ченеј. Капацитетот на фармата е 75.000 свињи за гоење, во што ќе биде вложено повеќе од 30 милиони евра.

Извршниот директор на „Неопланта", Слободан Василиќ, истакна дека компанијата продолжува со инвестирање. Според него, компанијата ја чува лидерската позиција на пазарот и се труди да ги унапредува деловните резултати. 

Минатата година отворивме 50 работни места, а во текот на минатите три години тој број надмина 150 нововработени. Во иднина нѐ очекуваат нови вредни проекти, како и изградба на новата фарма за свињи во Ченеј, најави Василиќ.

Тој истакна дека една од најголемите инвестиции во минатиот период беше насочена кон модернизација на производството, каде е инвестирано 20 милиони евра. 

Благодарение на таа инвестиција, денес имаме погон за производство на месни преработки што сигурно е еден од најмодерните во Србија, а веројатно и во регионот, додаде Василиќ.