Нов визуелен идентитет на објектите „Меркатор“

Во следниот период 89 малопродажни објекти „Меркатор" во БиХ ќе го добијат визуелниот идентитет на „Конзум", откако на 1 септември „Агрокор" стана сопственик на „Меркатор", потврдено е за порталот klix.ba од оваа компанија.

Промената на визуелниот идентитет веќе почна, а првиот објект што го промени својот изглед е најстариот „Меркатор" во БиХ, што се наоѓа на ул. „Ложионичка улица" во Сараево, а свеченото отворање на овој објект се случи вчера.

Да потсетиме, по завршувањето на јавната понуда за купување на преостанатите акции на „Меркатор", „Агрокор" од 1 септември стана сопственик на 80,75 отсто од акциите на „Меркатор".

Со оваа историска трансакција успешно е завршена втората фаза на спојување на овие две компании, со што „Агрокор", како нов сопственик на „Меркатор", ја потврди својата пазарна позиција како во малопродажбата во БиХ, така и во регионот.

Купувачите од споменатите продавници секојдневно ќе имаат можност да изберат производи од богатата понуда на „Конзум" што ќе бидат достапни по најповолни цени, а во понуда ќе бидат и најдобрите акции, нагласуваат од „Конзум".