Нов „Шпар“ во срцето на Кастав

Новиот супермаркет „Шпар" во Кастав, на 10 август ги отвори вратите за купувачите на улицата „Шпорова јама", бр. 1а.

Маркетот се простира на повеќе од 1.000 квадратни метри, а за услугата во него се грижат 27 вработени.

Со задоволство на нашите купвачи ќе им понудиме најдобра услуга, најширок асортиман и најдобри цени, истакна на денот на отворањето Хелмут Фензл, претседател на управата во „Шпар" – Хрватска.

Тој нагласи дека при опремувањето на новиот објект е користена најмодерна технологија – ЛЕД-осветлување, преку кое ќе се заштеди до 15 отсто електрична енергија. Освен тоа, отпадната енергија на разладниот систем и опрема ќе биде користена за загревање и за ладење на просторот, со што трговецот ја продолжува „зелената" мисија за зачувување на околината.