Нов производствен погон за Bref од 25 ноември

Компанијата „Хенкел" најави дека на 25 ноември ќе почне со работа новиот производствен погон за Bref во фабриката во Крушевац.

Најновата повеќемилионска инвестиција во фабриката за Bref е од големо значење, како за „Хенкел", така и за стопанството во Србија, со оглед на тоа што со оваа инвестиција ќе бидат отворени и значителен број на работни места, истакнаа од компанијата.

Како што е најавено, на отворањето на новиот погон ќе присуствуваат Александар Вучиќ, претседател на Владата на Србија, Бруно Пиаќенца, член на управниот одбор на компанијата „Хенкел" и извршен директор на секторот детергенти и производи за домашна хемија, Гинтер Тумзер претседател на „Хенкел" за централна и источна Европа, Матиас Трен директор за производство за секторот детергенти и производи за домашна хемија за централна и источна Европа и Војкан Мариќ директор на фабриката „Хенкел" – Србија.