Нов маркетинг-директор во „Карлсберг “ - Србија

Од октомври групацијата „Карлсберг “ - Србија има нов маркетинг-директор. Оваа значајна функција ја презеде Срѓан Поповиќ. Поповиќ својата 25-годишна кариера во маркетингот ја градеше стекнувајќи знаења и искуства во најголемите корпорации во Србија и во странство.

Од октомври „Карлсберг Србија Груп" има нов маркетинг-директор. Оваа значајна функција ја презеде Срѓан Поповиќ. Поповиќ својата 25-годишна кариера во маркетингот ја градеше стекнувајќи знаења и искуства во најголемите корпорации во Србија и во странство. 

Срѓан Попивиќ образованието го заврши во Лондон и во Париз, а својата професионална кариера ја почна во маркетинг-агенцијата „Греј Груп", а понатамошниот професионален развој го продолжи во фармацевтскиот сектор во компанијата „Глаксо Смит Клајн" во Париз. Во текот на 2004 година, Поповиќ доаѓа во Србија, во „Кока-Кола Хеленик" на позиција маркетинг-менаџер. По една година преминува во компанијата „Имлек" на позицијата директор за маркетинг, каде што останува осум години. Неговиот најзначаен придонес е повторното лансирање на брендот Moja Kravica, што денес е меѓу двата најомилени бренда, како и лансирање на брендовите Balans и Bello. 

Се радувам што на местото на еден многу важен сектор ќе имаме човек што своите квалитети двојно ги докажа. Сигурни сме дека со искуството вештините на Срѓан и со заедничките напори ќе го направиме „Карлсберг Србија Груп" уште подобар и поефикасно ќе одговори на барањата на своите потрошувачи, изјави Габор Бекефи, генерален директор на „Карлсберг Србија Груп".

На позицијата директор за маркетинг, Срѓан Поповиќ дојде по заминувањето на Андре Жак.