Нов генерален директор на „Кока-кола хеленик“ за Србија и Црна Гора

Александар Ружевиќ е именуван на позицијата генерален директор на компанијата „Кока-кола хеленик“ - Србија и Црна Гора. Ружевиќ преминува од позицијата генерален директор на „Пивара Скопје“ која е во заедничко сопствеништво на „Кока-кола хеленик“ и „Хајнекен“.

Александар Ружевиќ е именуван на позицијата генерален директор на компанијата „Кока-кола хеленик" - Србија и Црна Гора. Ружевиќ преминува од позицијата генерален директор на „Пивара Скопје" која е во заедничко сопствеништво на „Кока-кола хеленик" и „Хајнекен". 

Александар Ружевиќ во 1998 година му се приклучи на тимот на „Кока-кола", а на позицијата комерцијален директор во Србија работеше од јануари 2006 до декември 2010 година.

Благодарение на исклучителниот успех и на своите лидерски вештини, во 2010 година доверена му е позицијата комерцијален директор за пазарот во Украина, каде што заедно со тимот остварија значителен пораст и развој. 

Александар Ружевиќ ќе го предводи тимот од над 1000 луѓе и ќе управува со компанија чија дополнителна вредност во економијата во Србија достигнува 224 милиони евра или 0,7 отсто од БДП. На секое евро што го создава системот „Кока-кола" се создава дополнителна вредност за српската економија во поглед на платите на работниците, профитот на компанијата, даноците и придонесите на фирми со кои соработува, се наведува во соопштението.

Како што соопштува компанијата, во текот на претходните три години, компанијата „Кока-кола хеленик" за Србија и Црна Гора, ја предводеше Роман Вајдингер, кој ја продолжи кариерата надвор од системот „Кока-кола".