Нов директор за производство и логистички операции во „Загребачка пивовара“

Иван Врбиќ, директор за производствени операции во „Загребачка пивовара", е унапреден на позицијата директор за производствени и логистички операции. 

                      

Оваа функција настана со спојување на производствените и логистичките операции во еден сектор.

Со големо задоволство и одговорност ја преземам новата функција – директор за производствени и логистички операции во „Загребачка пивовара". Верувам дека со досегашните искуства и знаење стекнати во водечката домашна пиварница и со подготвеноста за нови предизвици, ќе придонесам за развој на работењето во процесот на планирање на производството и дистрибуцијата на водечките трендови на домашниот пазар, изјави Врбиќ.

Во 2006 година Врбиќ се приклучи на тимот на „Загребачка пивовара", на позицијата процесен инжинер во секторот на производство. Во 2010 година е именуван за менаџер во „Молсон корс" за производство на пиво во Европа, а во 2014 година ја презема позицијата директор за производствени операции.