Нов директор за маркетинг во „Апатинска пивара“

Димо Димов, досегашниот директор за маркетинг во пиварницата „Старопрамен“ во Чешка, којашто е дел од глобалната пиварска групација „Молсон Корс Европа“, од декември е именуван за нов директор за маркетинг на „Апатинска пивара„ и „Требјесе“ од Црна Гора, исто така членка на „Молсон Корс Европа“.

Димо Димов, досегашниот директор за маркетинг во пиварницата „Старопрамен" во Чешка, којашто е дел од глобалната пиварска групација „Молсон Корс Европа", од декември е именуван за нов директор за маркетинг на „Апатинска пивара„ и „Требјесе" од Црна Гора, исто така членка на „Молсон Корс Европа".

Димов на групацијата „Молсон Корс" ѝ се придружил во 2007 година во Бугарија, во пиварницата „Каменица", на позицијата бренд менаџер за локалниот бренд Каменица. Унапреден е на позицијата бренд менаџер за националните брендови во 2008 година, а во 2010 година е именуван за директор за маркетинг. Во октомври 2011 година Димов се преселил во Чешка, каде што во пиварницата „Старопрамен" бил директор за маркетинг за Чешка и Словачка. На таа позиција имал можност да води комплексен асортиман на брендови, вклучувајќи го и Staropramen, а и да биде на чело на тимот што се занимавал со стратешки развој и иновации.

Роден е во 1980 година во Софија во Бугарија. Магистрирал меѓународни економски односи на Универзитетот за национална и светска економија во Софија и дипломирал на стручните специјалистички студиуми за маркетинг на институтот за маркетинг Чартеред во Велика Британија.