Нов директор на „Нектар“

Михајло Јанковиќ е именуван за нов директор на групацијата „Нектар", еден од најголемите производители на сокови и преработувачи на овошје и на зеленчук во овој дел од Европа, во чијшто состав работат компаниите „Нектар", „Хеба" и „Фруктал".

Јанковиќ има повеќе од 15 години работно искуство на клучни раководни позиции во реномирани мултинационални и српски компании, како што се „Бритиш Американ тобако", „Кока-кола", „Књаз Милош" и „Импакт консалтинг".

Со богатото професионално искуство, Јанковиќ ќе придонесе за понатамошно зајакнување на лидерската позиција и на експанзијата на работењето на групацијата „Нектар", која од семејна компанија се разви во водечка регионална компанија во Југоисточна Европа, со годишен промет од повеќе од 115 милиони евра и со извоз во 50 земји низ целиот свет, се истакнува во соопштението.