Нов директор на „Кока-кола ХБЦ“ – БиХ

Марија Анаргиру-Николиќ официјално ја презеде функцијата генерален директор на „Кока-кола ХБЦ" – БиХ на почетокот од август. На новата позиција, на која ќе биде задолжена за Словенија, Хрватска и за БиХ, таа доаѓа од местото директор на Секторот за комерцијално работење за Србија и за Црна Гора.

Горда сум што добив можност да бидам на чело на „Кока-кола ХБЦ" – БиХ и да работам со прекрасен тим. Босна и Херцеговина е развиен и предизвикувачки пазар, но сигурна сум дека како и досега, успешно ќе работиме и ќе продолжиме да бидеме значаен дел од општеството и стопанството во државата, изјави Марија Анаргиру-Николиќ.

Таа има богато работно искуство во FMCG-индустријата, а во „Кока-кола ХБЦ" – Србија и Црна Гора дојде во 2010 година. По три години успешно водење на секторот за маркетинг, во 2013 година Анаргиру-Николиќ беше именувана за директор на Секторот за комерцијално работење за Србија и за Црна Гора. За време на нејзиниот мандат беше остварен пораст на бруто-приходите, пораст во сите категории производи, а „Кока-кола" ја зацврсти водечката позиција на српскиот и на црногорскиот пазар, се наведува во соопштението на компанијата.

Марија Анаргиру-Николиќ е добитник на наградата „Бизнис-жена на годината" за иновативност во маркетингот, која во 2012 година ѝ ја додели Клубот на економски новинари на Србија. Таа постојано е ангажирана и посветена на реализиција на општествено одговорни кампањи, проекти и иницијативи, но и на прашањата заклиматските промени и зачувувањето на природните богатства. Анаргиру-Николиќ дипломираше економија на универзитетот „Пиреос" во Грција.