Нов директор на групацијата „П&Ф холдинг вино“

Сопственикот на „П&Ф холдинг вино", Владимир Пуклавец, во винарницата „П&Ф Јерузалем" во Ормож, ги најави промените во стратегијата на претпријатието и го претстави новиот директор на групацијата, Јорн Педерсен.

Во најголемата словенечка винарница одлучија да ги зголемат вложувањата за полесно продавање на своите брендови. Инаку, винарницата во Ормож, веќе неколку месеци соработува со Данецот Педерсон, кој има богато искуство во секторот храна и пијалаци.

Педерсен, отсега своите идеи ќе ги остварува на чело на холдингот „П&Ф винерис", преку кој оперативно ќе соработува со претпријатијата што се дел од групацијата.

Педерсен со години беше вработен во компанијата „Карлсберг", а во моментов живее во Хрватска каде што ја извршуваше функцијата – член на управата на „Подравка".