Нов бренд Fit на компанијата „Клас“

Прехранбената индустрија „Клас" од Босна и Херцеговина кон крајот на мај го промовираше својот нов бренд Fit.

Fit е новиот бренд – интегрален бисквит достапен во три вкуса: класик, лешник и чоколадо.

Новиот бренд е создаден во одделот за развој на компанијата „Клас", на што се работеше помалку од една година. Што значи дека новиот бренд во целост е дело на домашните експерти. Брендот се карактеризира со врвен квалитет, модерен дизајн и веруваме дека овој бренд има потенцијал. Затоа ќе продолжиме со креирање на нови линии на производи во рамките на Fit, изјави Русмир Хрвиќ, директор на компанијата „Клас".

Станува збор за здрав производ, во кој се содржани овесни снегулки кои го намалуваат холестеролот и го спречуваат развојот на срцевите заболувања. Овесните снегулки се значаен извор на токотриенол, а содржат витамини Б1, Б5, фолна киселина, биотин, витамин Е, како и цинк, магнезиум, бакар, железо и манган.