Норвешкиот амбасадор ја посети фабриката „Књаз Милош“

Делегацијата на Норвешка во Србија, на чело со амбасадорот Арне Санес Бјорнстад, ја посетија фабриката „Књаз Милош" и се запознаа со производството на вода и на другите производи.

Во оваа пригода амбасадорот истакна: До идејата за посета на фабриката дојдовме кога еден од колегите утврди дека, според нашите архиви, производот што амбасадата најдолго го купува е токму газираната вода Knjaz Miloš. Со посетата ја откривме една од најмодерните фабрики за производство на вода во срцето на Србија. 

Тој додаде дека нему и на вработените од амбасадата им било интересно да го набљудуваат процесот на експлоатација на водата.

Како што е соопштено, присутните се потсетија и на партнерството во реконструкцијата на павиљонот „Књаз Милош", првата фабрика за минерална вода во Србија. Овој објект е од историско значење, изграден е во 1907 година, а реконструиран е во 2016 година, како резултат на добра соработка меѓу Владата на Норвешка, компанијата „Књаз Милош", општината Аранѓловац и специјалната болница „Буковачка бања".