„Нестле“ го продаде Cipiripi

Како дел континуираната ревизија на портфолиото, „Нестле" во Србија најави потпишување на договор за продажба на локалниот кондиторски бренд Cipiripi на компанијата „Параќинка".

Како што е најавено, трансакцијата, која вклучува чоколадни табли и кремови Cipiripi, ќе биде објавена кон крајот на вториот квартал од 2018 година, по завршувањето на вообичаените одобрувања и завршни услови.

Од компанијата порачуваат дека трансакцијата нема да влијае на работните места во компанијата „Нестле адриатик".

Cipiripi има долга и богата историја, со повеќе од 27 години присуство во Србија и е синоним за убави спомени од детството. Во „Параќинка", која е членка на дистрибуциската групација „Силбо", пронајдовме исклучителен дом за нашиот кондиторски бренд, кој ќе напредува и понатаму. Истовремено, ова ѝ овозможува на компанијата „Нестле" повеќе да се фокусира на кондиторскиот асортиман на своите познати брендови Kit Kat, Lion, Smarties и After Eight кај кои планираме иден силен пораст, рече Јана Михајлова, регионален директор на „Нестле" за пазарите во Југоисточна Европа.

„Нестле" е посветена во работењето во Србија, каде е присутна веќе 25 години, има фабрика во Сурчин и вработува 547 луѓе. Компанијата бара можности да го подобрува работењето, да го оцени своето портфолио и да создаде вредност во заедницата каде што работи, истакнаа од компанијата.