Со пристигнувањето на товарниот воз од пристаништето во Пиреја, Грција, на меѓународниот железничкиот термнал на компанијата „Нелт" во Добановце кај Белград официјално почна соработката на „Нелт" со кинеската поморска логистичка компанија КОСКО (China Ocean Shipping Group), која важи еден од светските лидери во областа на логистиката.
Како што се наведува во соопштението, КОСКО во интермодалниот терминал на „Нелт" близу Белград препознала логистичко чудовиште на Балканот, со одлична локација, технички и технолошки предности, кое има капацитет да ги задоволи потребите на пазарот во Србија и во непосредното опкружување во регионот за дополнителни транспортни решенија за стоки од Далечниот Исток
На корисниците им е потребен редовен и сигурен сервис. Очекуваме транспорт на повеќе од 7.000 контејнери на годишно ниво. Намалувањето на времето за транзит во однос на северните пристаништа на Јадранот се придобивка за корисниците, но и препознавање на важноста на интермодалниот терминал на „Нелт", до кој го поврзуваме пристаништето во Пиреја. Тоа ни дава широка логистичка поддршка, каква што е потребна за воспоставување на овој тек, изјави Ерих Кошута, претставник на компанијата „Драгон Маритим", агент на компанијата „Коско" за Србија и за западниот Балкан.
Со оглед на фактот дека Пиреја е првиот јазол на патот на транспортот на стоки од Далечниот Исток кон европа, очекуваме дека со оваа соработка во значителна мера ќе се намали времето на транзитот. Се надеваме дека овој сервис на нашиот пазар ќе му овозможи алтернатива во логистичките текови, изјави Иван Миличевиќж менаџер за операции и развој во „Нелт".
Терминалот на „Нелт", кој беше отворен неодамна, е поврзан со железничка врска со сите пристаништа и копнени терминали во Европа. На шест километри оддалеченост од термионалот се автопатите Е-75 и Е-70, а на десет километри од терминалот е аеродромот „Никола Тесла" во Сурчин, кај Белград. Во рамките на логистичкиот центар има царинска испостава со склад, што овозможува комплетна поддршка и флексибилност во текот на процедурите со стоките. Отворањето на терминалот, велат во компанијата, на клиентите им овозможува намалени трошоци за логистика, и побрз, побезбеден и квалитетен транспортен сервис.
