„Нектар“ гарантира откуп на овошје

Слободан Радун, сопственикот на „Нектар" на состанокот со општинското раководство и локалните овоштари од Владичин Хан разговараше за унапредување на соработката.

Како што е кажано, на „Нектар" годишно му се потребни 100.000 тони овошје за преработка, а оваа општина во моментов не постигнува да задоволи ниту половина од вкупното барано количество. Па така, останатиот дел пристигнува од различни краеви на Србија и од Македонија.

Покрај преработката на јаболка, која опфаќа 5 отсто од вкупната работа во фабриката, „Нектар"  планира да го интензивира и откупот на јагодестото овошје. Во Владичин Хан можат да се произведат големи количества, а ориентацијата на јагодестото овошје е пат кон подобар профит во однос на стандардната култура, рече Радун.

На производителите секогаш им недостасуваат средства, а еден од начините за нивно обезбедување се програмите од европските фондови, како и субвенциите од Министерството за земјоделство. Тука се и банкарските кредити, врз основа на договор со „Нектар", како купувач кој го гарантира откупот, истакна Радун.

Тој потсети дека во Владичин Хан веќе се гради погон на неговата компанија, чија вредност надминува пет милиони евра, а обезбедена е и поддршка од Европската банка за обнова и развој.