„Натурал фуд“ – Сараево со нови инвестиции

Во Витез е отворен најсовремен ладилник за замрзнување на јагодесто и зрнесто овошје, во сопствеништво на „Натурал фуд". 

Компаниите за откуп и преработка на јагодесто и зрнесто овошје „Натурал Фуд" и „Бос агро фуд", членки на „Нордик Фуд груп" од Шведска, до денес во БиХ откупија вкупно 3.000 тони малини, а во тек е бербата на есенските сорти на малини со планирано количество од 500 тони.

Вкупното планирано количество на откупено јагодесто и зрнесто овошје, за сезоната 2015 година, изнесува 5.000 тони, а вредноста на откупот е 10 милиони евра.

Во текот на 2014 и 2015 година „Натурал фуд" инвестираше во два ладилникa. Вложени се околу 3,06 милиони евра во изградба на ладилник во Железно поле, а во Витез вложени се 2,6 милиони евра. Ладилникот во Железно поле има капацитет за дневно замрзнување од 30 тони и складиште од 300 тони, додека ладилникот во Витез, кој се смета дека е еден од најсовремените во Југоисточна Европа, има капацитет на дневно замрзнување од 75 тони и складиште од 1.800 тони.