Наскоро втора јавна продажба на „Агрожив“

Во текот на првата јавна продажба на имотот на компанијата за производство на месо од живина „Агрожив" која е во стечај, немаше заинтересирани купувачи.

Наскоро ќе биде закажана втората јавна продажба каде што очекуваме повеќе заинтересирани лица и сметам дека ќе се постигне фер цена што им одговара на сите, рече извршителот Драган Божиќ.

Продажбата на имотот е закажана за да се подмират побарувачките на доверителот – фирмата „Нови бек" од Белград.

Попис и процена на имотот извршена е кон крајот на минатата година, а меѓу попишаните работи се производствените машини, линија за колење, линија за вадење на коски, за ладење и друго со што се проценува вкупната вредност од 314,7 милиони динари.

Почетна цена на планираната продажба изнесува 60 отсто од проценетата вредност.

Извршителите веќе спроведоа продажба во „Агрожив" и тогаш на продажба понудени се автомобили и угостителски објекти во сопствеништво на компанијата.

Сопственикот на „Агрожив" е претпријатието „Србијагас", а погоните ги закупи фирмата „Мибрас" откако некогаш успешното претпријатие за преработка на пилешко месо се соочи со деловни проблеми.