Напредува малопродажбата на „Агрокор“

Позицијата на малопродажбата на „Агрокор", според листата на 250-те најголеми малопродажни синџири во светот на „Делоит", напредуваше за 30 места, во споредба со минатогодишната листа.

Благодарение на остварениот приход, „Агрокор" ја зазема 192-та позиција, покажува извештајот – „Глобалната сила на малопродажбата 2016". 

Подобрувањето на позицијата во 2014 година е резултат од преземањето на „Меркатор", со што станавме лидери на пет регионални пазари, како и на пазарите во Југоисточна Европа. Ова преземање е успешно реализирано за краток период и во согласност со најдобрите светски практики. Со него се создадени значителни синергиски резултати, како за нашата групација и за нашите вработени, така и за нашите партнери, истакна Дарко Кнез, извршен потпретседател за деловната група малопродажба, „Агрокор".

Водечките 250 трговски синџири во светот, во фискалната 2014 година остварија вкупни приходи од 4,3 милијарди долари, зачувувајќи го постојаниот пораст, кој изнесува 4,3 отсто, во споредба со минатата година. Трговските синџири во Северна Америка, Африка и на Блискиот исток остварија пораст на приходите, за разлика од оние во Азија, Европа и Латинска Америка кои и понатаму бележат пад на приходите.