Намалено количество на откупеното кравјо млеко

Вкупното количество на откупеното кравјо млеко во мај, изнесуваше 2,06 милиони литри, што е за 6,4 отсто помалку од истиот период минатата година.

Како што е соопштено од „Монстат", во споредба со остварениот месечен просек минатата година, откупено е помало количество млеко за 1,4 отсто.

Содржината на млечните масти во мај годинава, во споредба со истиот месец минатата година, е поголем за 6,4 отсто, а содржината на протеини е поголема за 4,5 отсто. Во споредба со годишниот просек содржината на млечните масти е поголема за 2,4 отсто, а на протеините 3,1 отсто, стои во соопштението. 

Од „Монстат" информираат дека е забележано зголемено производство на павлака за 12,5 отсто, ферментирани производи 11,2 отсто, кајмак за 26 отсто и сирење за шест отсто. Намалено е производството на млекото за консумирање и тоа за 1,9 отсто.