Најпопуларни производи на пазарот се Vegeta и Lino lada jaffa

Во рамките на проектот „Производ на годината", што по четврти пат го организира порталот žena.hr, доделени се признанија за најпопуларните производи, според читателите на порталот.

Меѓу најпопуларните производи на хрватскиот пазар за 2015 година се најдоа и производите на „Подравка". Во категоријата „Готови производи" наградата за производ на годината ја освои Vegeta, а во категоријата „Детска храна" – Lino lada jaffa.

Добиените признанија се уште една потврда дека потрошувачите ги препознаваат производите на „Подравка" со што го наградија нивниот квалитет.

Во конкуренција на повеќе од 500 номинирани производи од сегментот стока за широка потрошувачка, гласале речиси 28.000 читатели на порталот. Во гласањето, што траеше од 27 септември 2015 година до 10 јануари годинава, читателите имаа можност да ги изберат најполуларните производи поделени во 27 категории.