Најголем пораст на бројот на платежни картички во регионот

Црна Гора има најголем пораст на бројот на електронските картички во регионот, со годишна стапка поголема од пет отсто, меѓутоа најраспространет начин на плаќање и понатаму останува плаќањето во готово.

Со електронските картички најмногу се плаќа во бутиците, потоа следуваат продавниците за храна, ресторани и бензиски пумпи, изјави регионалниот менаџер за југоисточна Европа на „Виса" Владимир Ѓорѓевиќ.

Од компанијата истакнуваат дека електронските картички ги олеснуваат трансакциите, ги намалуваат метежот и редовите на касите, а од друга страна некои трговци не се навикнати на овој тип плаќање.

Според податоците на „Виса", во Црна Гора околу 37% од вкупната потрошувачка со картичките Visa се одвива на терминалите ПОС и на местото на продажба, со што оваа земја станува една од најразвиениете во регионот.