Млекарницата „Инмер“ го зголеми извозот и производството

Минатата година, „Инмер", млекарница што работи во рамките на „Лакталис" – БИХ,  забележа пораст во производството за околу 10 отсто. Извозот од оваа млекарница учествува со удел од 30 отсто во вкупно извезените млеко и млечни производи од БИХ.

Производите на „Инмер" може да се најдат на пазарите во Србија, Црна Гора, Македонија, Косово и Албанија.

За 5 отсто е зголемен и откупот на суровини од домашните фарми. Со овие податоци се потврдува квалитетот на работењето на 3.600 фармери и кооперанти од БИХ, од кои „Лакталис" – БИХ откупува суровини.

„Лакталис" – БИХ, конитинуирано го стимулира производството на домашно млеко, а помага и во обнова на сточниот фонд. Успешната соработка и вложувања резултираа со поголем откуп на млеко од домашните фармери, што секако, е предуслов за производство на 60 видови млечни производи.

Да потсетиме, „Лакталис груп", преку „Лакталис" – БИХ, досега вложи околу 9,2 милиони евра во млекарницата „Инмер", а од компанијата се најавени и нови вложувања.