„МК Група“ гради силос вреден 15 милиони долари во Украина

Оваа година „МК Група" ќе вложи 15 милиони долари за изградба на силос во Украина, најави претседателот на компанијата Миодраг Костиќ.

Тој потсети дека „МК Група" во Украина досега вложила 50 милиони долари и дека секоја година го проширува своето работење. 

Украина е голем пазар со 54 милиони жители. Побарувачката е во пораст, а Србија преку извозот сака да го зголеми своето производство и тоа за нас е шанса, изјави Костиќ.

Тој објасни дека Договорот за слободна трговија што треба да биде потпишан до крајот на годината ќе допринесе за зголемување на стоковната размена меѓу Србија и Украина. 

Според податоиците на Стопанската комора во Србија, „МК Група" во Украина закупила околу 50.000 хектари земја, со помош на Европската банка за обнова и развој за изградба на, до сега, најголемиот силос во Украина од 113.000 тони.