„МК груп“ го купи „ПИК Бечај“

Компанијата „МК груп" на 17 ноември го купи земјоделскиот комбинат „ПИК Бечај" за 45,5 милиони евра. 

„МК груп" и „Индустрија меса Матијевиќ" беа единствените учесници на лицитацијата, чија почетна цена изнесуваше 42,7 милиони евра. Тие во бараниот рок доставија банкарска гаранција во износ од 17,1 милион евра.

На пазарот во Србија веќе сме препознаени како лидер од областа на земјоделството, така што купувањето на „ПИК Бечај" е во согласност со нашите стратешки цели. Уште е рано да се зборува за плановите, но целта ни е да направиме модерна компанија според европски стандарди. Планирано е вработување на одреден број работници, чиј број ќе се зголемува во зависност од работењето на компанијата, изјави Јован Пурар, директор на „МК груп".

Деловниот систем „МК груп" е еден од најголемите земјоделски производители во Србија, со успешна деловна историја. На српскиот пазар, компанијата е препознаена како еден од најголемите производители на земјоделски култури како што се шеќерна репка, пченица и пченка.