Минималната потрошувачка кошница е 797 евра

Минималната потрошувачка кошница во Црна Гора во октомври изнесуваше 797 евра, што е за 0,3% повеќе во споредба со септември, соопшти Црногорскиот завод за статистика.

За храна и безалкохолни пијалаци се потрошени 247 евра, на непрехранбени производи и услуги 351 евро, додека домувањето изнесуваше 198 евра.

Минималната потрошувачка кошница за храна и безалкохолни пијалаци во октомври е поголема за 0,1% во однос на септември, за непрехранбените производи и услуги за 0,2%, а за домување за 0,6%.

Вкупната вредност на потрошувачката кошница во октомври е намалена за 0,4% во однос на истиот месец од минатата година. Просечната плата во Црна Гора изнесува 479 евра, а просечната пензија 278 евра.