Меѓународен саем за вино во Белград

На повеќе од 2.000 квадратни метри изложбен простор во халата 2Б во Белградскиот саем, од 21 до 24 февруари на меѓународниот саем за вино „Беовајн“, покрај српските винарии ќе се претстават винарии од Италија, Австрија, Франција, Шпанија, Грција, Шведска, Словенија, Хрватска, Црна Гора, Македонија, Бугарија и Романија.

На повеќе од 2.000 квадратни метри изложбен простор во халата 2Б во Белградскиот саем, од 21 до 24 февруари на меѓународниот саем за вино „Беовајн", покрај српските винарии ќе се претстават винарии од Италија, Австрија, Франција, Шпанија, Грција, Шведска, Словенија, Хрватска, Црна Гора, Македонија, Бугарија и Романија.

Здружението на винари и преработувачи на вино на Србија (ВИВИС) и економското здружение „Српско вино" оваа година во рамките на „Беовајн" ќе ги обединат српските и дел од најпознатите европски винарии, љубители на вино, дистрибутери од сите краеви на светот и производители на винска опрема. 

На четиридневниот саем ќе се претстават над 140 изложувачи од кои 50 се од 13 странски држави. Саемот се одржува истовремено со саемите за туризам, хотелиерство и угостителска опрема – ХОРЕКА и саемот на сувенири „Посетете ја Србија".