„Метеор груп“ откупи 67,5 отсто од „Бадел 1862“

Компанијата „Бадел 1862" во текот на неделава треба да го добие новиот сопственик – компанијата „Метеор груп" од Џаково, која во сопствеништво веќе има производство на жестоки алкохолни пијалаци и брендот Kisko.

Во државно сопствеништво „Бадел 1862" е од јули 2011 година во мандатот на премиерката Јадранка Косор, која долгото од неплатените акцизи, даноци и придонесе во висина од 228 милиони куни, ги наплати со удел од 77,9 отсто, на државата во компанијата.

На последниот јавен повик објавен во мај годинава, пристигнаа три понуди од хрватски компании („Метеор", „Оштрц" и „Станиќ груп"), како „Ст. Николус" од Словачка. Во вториот круг на преземање влегоа „Метеор груп" и „Ст. Николус".

Во меѓувреме, „Метеор груп" освен обврзувачката понуда кон државата, истовремено ги откупуваше и побарувачките на доверителите, со што доби предност пред словачката компанија.