„Меркатор“ продолжува со инвестирање

Во првото тромесечје, „Меркатор груп" определи 12,9 милиони евра за инвестиции, што е двојно поголем износ во споредба со истиот период лани. Најголем дел од вложувањата ќе бидат насочени на пазарот во Србија.

Нето-профитот на „Меркатор груп", во првото тромесечје од годинава, забележа намалување за 44 отсто, на 2,3 милиони евра, во споредба со истиот период од 2015 година. Намалување забележаа и нето-приходите за 3,8 отсто, на 604,9 милиони евра. 

Профитот на „Меркатор груп" достигна 7 милиони евра, што е за 42,5 отсто помалку во истиот период минатата година. 

Се намалија и приходите од продажбата на пазарите во Словенија и Србија, пред сѐ поради намалувањето на бројот на продавници од споредните сектори.

Покрај тоа, продадени се туристичката агенција „М холидејс", брендот на кафето Santana и „Пекарна Гросупље".

Најголем пад на приходите, од 18,5 отсто, е забележан во Хрватска, каде трговецот од јули 2015 година во целост се откажа од FMCG-програмата, поради консолидација на пазарите, внатре во „Агрокор".