„Меркатор“ повторно сопственик на 83 продавници на „Конзум“ во БИХ

И официјално „Меркатор" е повторно сопственик на своите поранешни продавници во Босна и Херцеговина, што своевремено ги отстапи и станаа дел од продажната мрежа на трговскиот синџир „Конзум" - БИХ.

На предлог од управата деновиве беше укината спогодбата за изнамјување на 83 објекти на трговските центри на „Конзум" во БИХ, кои сега му се вратени на управување на „Меркатор".

По одлуката, со 83 продажни објекти од поранешната трговска мрежа на „Конзум" ќе управува „Меркатор", а „Конзум" - БИХ ќе продолжи да стопанисува со 150 трговски објекти.

Советот на доверители на групацијата „Агрокор", која е погодена од голема должничка криза, реши „Меркатор" повторно да ја преземе контролата над 83 трговски објекти од системот на „Конзум" - БИХ, кои беа во сопственост на словенечката трговска групација пред преземањето од страна на „Агрокор" во 2014.