„Меркатор“ годинава очекува приход од 2,6 милијарди евра

Групацијата „Меркатор" во 2016 година планира остварување на приходи од продажбата во износ од 2,6 милијарди евра, што е повеќе од минатогодишниот резултат. 

                           

Деловниот план за 2016 година предвидува пораст на приходите на сите пазари каде работи „Меркатор", освен на хрватскиот, а најголем промет се очекува да биде остварен на словенечкиот (56,2 отсто) и на српскиот пазар (35,7 отсто). 

Порастот во Словенија, Србија и во Црна Гора се темели на отворањето нови продавници, додека во БИХ, приходите ќе се зголемуваат благодарение на поголемите пруходи од изнајмување на трговскиот простор. Во Хрватска ќе продолжи затворањето на останатите малопродажни објекти, така што приходите и понатаму ќе се намалуваат, соопштуваат од компанијата.

Во текот на годинава, групацијата планира нето-добивка од 55,3 милиони евра, односно продолжување на зајакнувањето на работењето.

За инвестиции планирани годинава, одвоени се 34 милиони евра, повеќето за реновирање на постоечките места, и тоа, како и минатата година, во најголем дел на словенечкиот и српскиот пазар. Во Словенија ќе бидат распоредени 58,2 отсто, а во Србија 27,2 отсто од вкупните инвестиции.