„Меркатор“ бележи пораст единствено во Црна Гора

„Меркатор" го објави извештајот за првите девет месеци од 2014 година, во кој е видлив падот на продажбата за 3,6% со подобрување на, и понатаму негативниот, нето-резултат.

Во првите девет месеци, групацијата оствари речиси две милијарди евра приходи од продажбата, што е за 3,6% помалку од истиот период минатата година. Пад на продажбата е забележан во речиси сите пазари каде што е присутен „Меркатор", освен во Црна Гора, каде што е забележан пораст на продажбата од 5,3%. Падот на продажбата е резултат на затворањето на некои помалку профитабилни програми, префрлување на малопродажната мрежа во Босна и Херцеговина и во Хрватска на „Конзум", како и трендот на пад на купувачката моќ во Словенија и Хрватска.

Од извештајот може да се види дека 57,1% од вкупната продажба е остварена во Словенија, 20,5% во Србија, 11,4% во Хрватска, 6,8% во Босна и Херцеговина и 4,1% во Црна Гора.

Наспроти падот на трошоците на продадената стока (-3%) и административните трошоци (-27,8%), пад забележаа и ЕБИТДА и тоа за 2,9%, како и ЕБИТДАР за 4,8%. Во исто време маржата ЕБИТДА е задржана на 4%, додека маржата ЕБИТДАР има благ пад од 6,1% на 6,0%.

По заклучувањето на договорот со доверителите, процесот на финансиско реструктурирање на компанијата е завршен така што, според податоците од извештајот, ќе претходи отплатата на долгот, подобрување на ликвидноста и осигурување на поголема стапка на вложување. Нето-долгот на „Меркатор", во споредба со минатата година, е намален од 1,05 милијарди евра на 997 милиони евра.