„Мегле“ и „Провен“ потпишаа договор за соработка

Договор за тригодишна соработка потпишаа компаниите „Мегле" и „Провен" со кој се очекува зајакнување на домашната економија и понуда на квалитетни домашни производи пакувани во квалитетни амбалажи.

Со потпишувањето на договорот за продолжување на соработката со „Провен" покажуваме дека сме определени за пораст и за јакнење на домашната економија и дека на нашиот пазар со домашни ресурси и кадри може да се произведуваат врвни производи. Нашите купувачи заслужуваат квалитетен производ што се наоѓа во квалитетна амбалажа и што е произведен според највисоките стандарди, истакнуваат од управата на „Мегле".

Токму поради овие причини „Мегле БИХ" продолжува со соработката со „Провен" чиј успех се темели на врвниот квалитет на производите, кратките рокови на испорака, како и брзата реакција на барањата на купувачите за нови артикли. 

Препознаени сме како доверлив доставувач на сите млекарници во Босна и Херцеговина, но и како доставувач на најзначајните млекарници во регионот. Склучувањето на договорот за соработка со „Мегле" – БИХ, како една од најголемите производители во земјава, е потврда и признание за нашиот тим, но и мотив за понатамошен развој и унапредување на работењето, истакна Јасмин Теровиќ, директор на компанијата „Провен"