„Мегле“ го проширува погонот за свежо сирење во Крагуевац

Германската млекарница „Мегле" во претходните две години во крагуевската млекарница вложи 8,5 милиони евра, а оваа година планира проширување на производството, изјави директорот на млекарницата, Бранимир Богдан. 

Амбасадорот на Германија во Србија, Хајмц Вилхелм, ги посети производствените погони и изрази задоволство што млекарницата ја реализираше големата инвестиција во Крагуевац, од 2011 година кога ја презеде некогашната млекарница „Младост".

Богдан истакна дека во 2011 година, кога е преземена млекарницата, произведени се 20 милиони литри, минатата година 35 милиони, а планот за 2013 година е преработка на 45 милиони литри млеко.

Од доаѓањето во Србија, „Мегле" на пазарот лансираше вкупно 42 производа, што освен на домашниот се пласираат и на пазарите во Босна и Херцеговина и Црна Гора.

Тој за оваа година најави вложувања во проширување на погонот за свежо сирење и други нови производи и завршување на изградбата на магацинските капацитети од 1.200 палети, трафостаници и парно постројување.

Компанијата во моментов вработува 112 луѓе, а покрај производството по стандардите HACCP, ISO 9001 и ISO 22000, оваа година во план е сертификација по системот IFC.