МДДИ го отвори најсовремениот дистрибутивен центар

Компанијата „МДДИ груп“ во Сараево го отвори најсовремениот дистрибутивен центар за свежо овошје и зеленчук во БиХ. Новоотворениот објект во општината Нови Град се простира на површина од 1300 м² и нуди широк асортиман на овошје и зеленчук од целиот свет.

Компанијата „МДДИ груп" во Сараево го отвори најсовремениот дистрибутивен центар за свежо овошје и зеленчук во БиХ. Новоотворениот објект во општината Нови Град се простира на површина од 1300 м² и нуди широк асортиман на овошје и зеленчук од целиот свет.

Во првата фаза компанијата вработи 15 луѓе, а во план е ширење на капацитетите и отворање на нови работни места во согласност со развојот на работењето.

Дистрибутивниот центар МДДИ поседува современо уреден простор за зреење на банани и компјутеризирана комора за чување на бананите со сета потребна опрема, комора за контролирање на атмосферата за квалитетно зачувување на свежината и одржување на овошјето и зеленчукот, простор за пакување на системот за ладење, канцелариски простор и опрема за компјутеризиран контролен систем.

Основната стратегија на „МДДИ груп" е работа со партнерите и еден од нашите најголеми успеси е остварување на соработка и организирање на широка мрежа на пратнери. Нашата мрежа опфаќа деловни сорабоници во сите поголеми градови во БиХ, но и во целиот регион. Со желба да го олесниме работењето и да придонесеме во подобрување на стопанството во БиХ, одлучивме во Сараево да го отвориме новиот дистрибутивен центар кој ќе биде еден од водечките во регионот. Идејата ни е да го поттикнеме развојот на локалното производство преку откуп од домашните производители на свежо овошје и зеленчук и нивен пласман на пазарите во регионот и во Европската унија, изјави претседателот на „МДДИ груп" Изет Растодер.

Основната дејност на „МДДИ груп" е увоз и извоз на овошје и зеленчук, трговија со овошје и зеленчук, големопродажба, малопродажба и дистрибуција на свежо овошје и зеленчук. Воедно, „МДДИ груп" е застапник на водечкиот бренд на банани Derby.